قصيدة عن المطر لمريم الضحيان

غيث المطر ينعش قلوب المخاليق
   وبالغيم يصبح المهموم رايق

انا اشهدانه مسعد ويحلي الريق
   والحزن يبعد عن كل ضايق

ديمه يبل الكبد هي والمعاليق
 يبرى عليل النفس من حر ذايق

تشرب رمال النفد هي والمشاريق
  مثل الذهب منثور بيد الرفايق

سيولها تجري ماتخلف طريق
  مع برقها تلمع وحسنها مايق

عساه خير نشوف نبته والزماليق
  مد النظر بساطه اخضر ولايق

غصن الزهر يرقص معه الذعاليق
 والطير غرد كنه من الزين شايق

يارب رحمتك وافتح به مغاليق
 طهر ابواب الرزق من كل عايق

نسألك يالمعبود جزل التوافيق
 تحفظ لنا الاوطان من كل بايق

وصلوا على المختار عد المشاهيق
 وعد اذواد المطايا مع كل سايق

شعر: مريم الضحيان